«Farzandingiz siz kabi ulg‘ayishini istamasangiz, ta’limni o‘zgartirishga yordam bering» — Respublika ta’lim markazi direktori

Respublika ta’lim markazi direktori Shuhrat Sattorov geografiya fani yuzasidan bo‘layotgan muhokamalarga munosabat bildirib, islohotlarni noto‘g‘ri talqin qilmaslikni, ta’limdagi o‘zgarishlarni sezish uchun kamida 5−6 yil kerakligini ta’kidladi. «Farzandingiz siz kabi ulg‘ayishini istamasangiz, bizga siz o‘qigan zerikarli va foydasiz ta’limni o‘zgartirishga yordam bering. Hech bo‘lmasa, xalaqit qilmang», — dedi u.